جتوئي لياقت علي
لياقت علي جتوئي
لياقت علي جتوئي: دادو ضلعي سان واسطو رکندڙ، نامياري سياستدان لياقت علي خان ولد عبدالحميد خان جتوئيءَ جو جنم، 5 جنوري 1948ع تي دادوءَ ۾ ٿيو. هن جو بنيادي تعلق زميندار ۽ سياسي گهراڻي سان آهي. ابتدائي تعليم ۽ مئٽرڪ ڪيڊٽ ڪاليج پيٽاري مان ڪيائين. 1970ع ۾ سنڌ يونيورسٽي ڄامشوري مان پوليٽيڪل سائنس جي شعبي ۾ ايم اي جي ڊگري حاصل ڪري، ڪجهه وقت يونيورسٽيءَ ۾ استاد به رهيو، 1977ع ۾ پهريون ڀيرو قومي اسيمبليءَ جي سيٽ تي ايم. پي. اي چونڊجي ويو. 1977ع ۾ جنرل ضياءَ پاران اسيمبليون ٽوڙڻ بعد ان پاران 81-1980 ۾ جوڙيل مجلس شورا جو ميمبر ٿيو. 1997ع ۽ 1990ع جي چونڊن ۾ صوبائي اسيمبليءَ جي سيٽ تي ايم. پي. اي. طور چونڊجي آيو. ان دوران 1990ع ۾ کيس خزاني جي صوبائي وزارت جي ذميواري سونپي وئي. جنهن دوران پاڻ نوازشريف جي مسلم ليگ ۾ اتحادي رهيو. 1997ع ۾ سنڌ جو وزيراعليٰ بڻيو، جيڪو عهدو وٽس آڪٽوبر 1998ع تائين رهيو. 2002ع ۾ قومي اسيمبليءَ جي ميمبر طور کٽيائين. ان عرصي ۾ ترتيب وار صنعت، پاڻي ۽ بجليءَ جي وفاقي وزارت وٽس رهي. لياقت جتوئي جرنل پرويز مشرف جي اتحادي مسلم ليگ (ق) ۾ شامل ٿيو ۽ جنرل پرويز مشرف جي ويجهن ساٿين ۾ ليکجڻ ۾ آيو. جنهنڪري سنڌ ۾ سندس سياسي ساک کي ڇيهو رسيو ۽ 2008ع جي عام چونڊن ۾ پنهنجن سمورن اميدوارن سميت هارايائين. هن وقت دادو اتحاد جي پليٽ فارم تان سياسي سرگرمين ۾ مصروف عمل آهي .
لفظ لياقت علي جتوئيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1948.01.05 عيسوي
لياقت علي خان 5 جنوري 1948ع تي دادوءَ ۾ پيدا ٿيو .
شخصيتون - ڀاڱي جون ٻِيون داخلائون
مير علي مراد خان ٽالپرانور علي شاهه ڊاڪٽر
صبح صادق کوسو مير
پير علي بخش شاهه علڻ ڀٽائي
جنيد بغدادي
جعفر علي ارغون
آتمارام لعلواڻي
حڪيم عثمان بوبڪائي
ڀورو مل ڪولهي وڪيل
ٻگهيو محمد قاسم ڊاڪٽر